الرئيسية
الا ياللي غـلاك يسوقنـي يمـك بـدون شعـور ترى ماجيت يمك ليـن شفـت الشـوق بعيونـك
على مركب غرامك عابرن يمـك ثـلاث بحـور بحر حب وبحر شوق وبحـر تعذيـب مجنونـك
احس انـي بعـد لقيـاك لاصاحـي ولامسحـور ولايمكـن حياتـي تستمـر ايـام مـن دونــك
ابا امشي بالطريق اللي تحدد لـي وانـا مجبـور اداري خاطرك وامشـي علـى دستـور قانونـك
مضى قيس ومضى عنتر وانا اللي جاء عليّ الدور احبـك حـب مامثلـه واحـب اللـي يحبـونـك
وانا في حبك الصادق وفي كـلا الغـلا معـذور جمالك يسحـر عقـول العبـاد اللـي يشوفونـك
لو ان الزين له فـي مجتمعنـا الملتـزم جمهـور تضيق ابك الدروب من الجمـوع اللـي يحيونـك
انا جرحي عطيـب ولاتفيـده وصفـة الدكتـور اغني له على انغـام العـذاب ويعـزف لحونـك
تـرى ماهمنـي فالنـاس لاعـادي ولا مشهـور وانـا واثـق واعـرف ان الخلايـق مايهمونـك
تعال وخل عينـي مـن جبينـك تستمـد النـور واخذ قلبن سكن بـه حبـك ولا يمكـن يخونـك
اسوقلك الغلا الصادق واجي يمك بـدون شعـور وابيـع الكـون والدنيـا كـل النـاس لعيـونـك